Esuk
kena dipethek, srengenge bakal mlethek
bareng lelagon anyar sakwise urip
meneb sawengi natas,
lelumban antarane mau lan iki
kaya kaseksen tanpa leren
meruhi klebete gendera
ing pesisir lemah anyar
naker kuwanen nalar
ana rasa tidha-tidha nindhihi sukmo
garing aking cinancang pangarep-arep
kumleyang tanpa papan tujuan
takon marang dhiri;
pira suwene wektu kang dak enteni
