Segara Raga
ombak-ombak segara kang nguliti raga
minangka srengenge
terus sumanding antarane rasa anget
ngumpul nyawiji marang semangat yekti
sangu ngaurip kara jangkah,
kang bakal menehi pawarta
tekan gisik-gisik segara
nalika tetep anteng
ngenteni lereme srengenge angslup ing bang kulon
nganti tekan ngendi jangkah sikil iki jumangkah
nguru playune nasib,
kapal kang terus minggir ing antarane wewayangan
padha gegondhelan,
salela-selane watu-watu karang
kanggo nyangga tatanan
bisa gawe kahanan senajan tetep dadi wewadi
karo garis cakrawala sawise segara raga
dadi siji marang ombak gisik tetep sumadya sumandhing
marang raga,
marang ati,
mung layar kang bakal kumlebet
nembur jembaring banyu-banyu warna biru
dadi petungan dhewe
ana pucuking layung
